English عربى كوردی
وەزارەتی بازرگانی و پیشەسازی ئامادەكاری بۆ وەرگرتنی دانەوێلە جووتیاران دەكات

جار خوێندراوه‌ته‌وه‌ 226 , 20/02/2020

رۆژی پێنجشەممە 20-2-2020 بەرێز كەمال موسلیم وەزیری بازرگانی و پیشەسازی بە ئامادەبوونی سوار عەزیز بەرێوەبەری گشتی پلاندانان و نەوزاد ئەدهەم بەرێوەبەری گشتی بازرگانی سەرپەرشتی كۆبوونەوەیەكی لەگەڵ سەرجەم بەرێوەبەرانی سایلۆكانی هەرێمی كوردستان كرد.

 لە كۆبوونەوەكەدا وەزیری بازرگانی و پیشەسازی تیشكی خستە سەر گرنگی كاری سایلۆكان و چۆنیەتی ئامادەكاری بۆ وەرزی تەسویقی ئەمساڵ و وەرگرتنی دانەوێلەی جووتیاران، هەر لە كۆبوونەوەكەدا كە بەرێوەبەرانی سەرجەم سایلۆكانی پارێزگاكانی هەرێمی كوردستان ئامادەی بوون، لە گفتوگۆیەكی كراوەدا بەرێوەبەرانی سایلۆكان باسیان لە كێشە و گیرو گرفتەكانیان كرد و پێداویستی و ئامادەكاریان بۆ وەرزی تازە خستەروو، هەروەها چۆنیەتی بەرەوپێشچوونی كاری سایلۆكان بووە جێگەی باس و لێكۆڵینەوە. لەلایەن خۆیەوە بەرێز وەزیری بازرگانی و پیشەسازی بەڵێنی چارەسەركردنی گیر و گرفتەكانی پێدان و سەرجەم بەرێوەبەرانی سایلۆكانی راسپارد كە ئامادەكاری تەواو بكەن بە مەبەستی وەرگرتنی دانەوێلە و گەنمی جووتیاران لە وەرزی دروێنەی دانەوێلەی ئەمساڵدا، هەروەها جەختیشی كردە سەر كارئاسانی تەواو بۆ جووتیاران و رەهەندی دادپەروەری ببێتە هەوێن و دەسپێكی كارەكانیان لە وەرزی تەسویقی ئەمساڵی دانەوێلەدا.

جێگەی باسە سایلۆكانی كوردستان دابەش بوون بەسەر شارەكانی (هەولێر، سلێمانی، زاخۆ، فایدە، شێخان، سەیدسادق، رانیە، رۆڤیا، چەمچەماڵ).

 



ناونیشان

Iraq, Erbil
هه‌ولێر
سلێمانى
دهۆك
کەرکوک

فه يسبووك

ئيمێڵى فه‌رمانبه‌ران

1135 ميوانى ئيمڕۆ
1384685 گشت ميوانه‌كان